Në komunikatën e përbashkët, 80 vende në samit kanë rënë dakord se “integriteti territorial” i Ukrainës duhet të jetë baza e çdo marrëveshjeje paqeje.
Vendet kërkuan që “integriteti territorial” i Ukrainës të jetë baza për çdo marrëveshje paqeje për t’i dhënë fund luftës së Rusisë, megjithëse disa vende kyçe në zhvillim nuk u bashkuan.
Komunikata e përbashkët mbylli një konferencë dy-ditore në resortin Burgenstock në Zvicër, e shënuar nga mungesa e Rusisë, e cila nuk ishte e ftuar, por që shumë pjesëmarrës shpresonin se mund të bashkoheshin drejt paqes, shkruan euronews, transmeton Telegrafi.
Rreth 100 delegacione, kryesisht vende perëndimore, por edhe disa vende kyçe në zhvillim, ishin gati për konferencën .
Pjesëmarrësit si India, Arabia Saudite dhe Emiratet e Bashkuara Arabe ishin midis atyre që nuk nënshkruan dokumentin përfundimtar, i cili fokusohej në çështjet e sigurisë bërthamore, sigurinë ushqimore dhe shkëmbimin e të burgosurve.
Raportohet se dokumenti përfundimtar thotw se Karta e OKB-së dhe “respekti për integritetin territorial dhe sovranitetin” mund dhe do të shërbejnë si bazë për arritjen e një paqeje gjithëpërfshirëse, të drejtë dhe të qëndrueshme në Ukrainë.
Closing address by President @violapamherd at the Summit on Peace in Ukraine:https://t.co/zuAjHEgn3s#UAPeaceSummit #PathToPeace pic.twitter.com/UsS6M8yZx0
— VBS – DDPS (@vbs_ddps) June 16, 2024
Analistët thonë se konferenca dy-ditore ka të ngjarë të ketë pak ndikim konkret drejt përfundimit të luftës, sepse vendi që drejton dhe e vazhdon atë, Rusia, nuk ishte i ftuar.
Kryeministrja italiane, Giorgia Meloni, tha se tre temat e shqytuara përbënin “kushtet minimale” për negociatat me Rusinë, duke aluduar se sa fusha të tjera mosmarrëveshjesh midis Kievit dhe Moskës do të jenë më të vështira për t’u kapërcyer.
Ndryshe, qeveria ukrainase beson se 19,546 fëmijë janë dëbuar ose zhvendosur me forcë, dhe komisionerja ruse për të drejtat e fëmijëve Maria Lvova-Belova ka konfirmuar më parë se të paktën 2,000 janë marrë nga jetimoret e Ukrainës. /Telegrafi/