Kim Kardashian është “betuar” se do ta mbrojë Kanye West nga ata që e “urrejnë” atë dhe duket se ajo nuk ka bërë shaka.
Të dielën në mbrëmje, 35 vjeçarja ka postuar disa video në Snapchat ku duket se është një video në të cilën shihet bashkëshorti i saj, reperi Kanye West që flet në telefon me Taylor Swift me të cilën diskuton këngën e njohur Famous, më saktësisht fjalinë “Ndihemi sikur unë dhe Taylor jemi akoma duke bërë seks”,
Në këtë video dëgjohet reperi duke e pyetur Swift nëse ajo është në rregull me këtë fjali brenda tekstit të këngës, transmeton Klan Kosova.
“Unë mendoj se është një compliment, nuk më intereson asgjë më shumë se nëse lëndoj ndjenjat e tua si njeri dhe si mike, nuk dua që muzika që unë bëj të bëjë njerëzit të ndihen keq, përkundrazi”, thotë West.
Taylor në këtë video duket se është dakord me këtë, madje e falenderon reperin që ka marrë mundimin t’i tregojë paraprakisht.
“Zgjedhe cilëndo fjali që ti do, më vjen mirë që po më tregon, është e sjellshme. Më vjen mirë që ke pasur respektin të më telefonosh si mike, në lidhje me këngën”, thotë Swift.
Por pavarëissht që në video situata duket se është krejt në rregull mes Swift dhe West, ishte pikërisht Sëift e cila kishte deklaruar se nuk është pyetur për një gjë të tillë dhe ka thënë se nuk ka qenë e informuar në lidhje me këtë.
Këtë e kishte konfirmuar edhe zëdhënësi i saj.
Ndërsa Kim vazhdimisht ka insistuar se Taylor Swift e ka aprovuar këtë këngë, madje ka thënë se ajo e ka kërcënuar nëse ai nuk e shkatërron këtë videoinçizim.