Vendimi i Mesut Ozil për t’u larguar nga Real Madrid për në Arsenal në 2013 ishte një “gabim serioz”, sipas ish-bashkëlojtarit të tij, Sami Khedira.
Ozil bëri lëvizjen surprizë në Emirates Stadium në ditën e fundit të afatit në shtator 2013, duke iu bashkuar Gunners në një marrëveshje prej 45 milionë euro.
Khedira, i cili luajti përkrah Ozilit te Real Madrid, ka zbuluar se mesfushori gjerman e ka pranuar privatisht se largimi nga Bernabeu ishte një gabim.
“Ai më tha se ishte një gabim i rëndë të largohesha nga Madridi, sepse ai kishte gjithçka këtu. Bernabeu e donte atë, ai luajti si një engjëll”, deklaroi Khedira për Marca.
Largimi i Ozil nga Real Madrid u prit me tronditje dhe zhgënjim nga bashkëlojtarët e tij, përfshirë Cristiano Ronaldon, Karim Benzema dhe Sergio Ramos.
Khedira pranoi se skuadra ishte e habitur nga vendimi për të shitur Ozilin, me shumë pyetje se pse klubi do ta linte të largohej. /Telegrafi/