Nga: Gonçalo M. Tavares
Përktheu: Salajdin Salihu
Zogu u godit në krahun e djathtë dhe, për këtë shkak, fluturonte në formë të diagonales.
Pak më vonë u godit në krahun e majtë, prandaj pushoi së fluturuari. Vetëm ecte për toke.
Pak më vonë një plumb e goditi në këmbën e majtë. E ai ecte në formë të diagonales.
Pas disa javësh një tjetër plumb e goditi në këmbën e djathtë, prandaj zogu as nuk mund të ecte.
Nga ai çast iu përkushtua vetëm këngës.