Në muzikë, viti 2023 u përcaktua nga rikthimi i yjeve kryesorë femra të pop-it, diversiteti i zërit që kryesonte listat dhe një atmosferë muzikore globale që krijoi zhanre të fuqishme.
Në frontin e podkasteve, krijuesit po u përgjigjen tendencave në kohë reale dhe audienca po i drejtohet podkasteve për t’iu bashkuar bisedave më të mëdha kulturore. Si gjithmonë, fushata jonë “Spotify Wrapped 2023” pasqyron këto tendenca dhe listat tona kryesore tregojnë se si dëgjuan mbi 574 milionë njerëz në mbarë botën këtë vit.
Artistët më të mirë botërorë të vitit 2023
Ripublikime të rimenduara, turne botërore që thyejnë rekord dhe byzylykë shumëngjyrësh miqësie, fansat kudo ku janë do të jenë të entuziazmuar kur shohin Taylor Swift si artisten më të mirë të këtij viti, me më shumë se 26.1 miliardë transmetime globale që nga 1 janari.
Vendin e dytë e zuri superylli i ‘reggaeton’ Bad Bunny, i cili gjithashtu pati një vit të spikatur me një album të ri, “Nadie sabe lo que va a pasar mañana”. Në krye të pesëshes ishin The Weeknd, Drake dhe Peso Pluma.
Këngët më të mira botërore të vitit 2023
Kënga më e mirë e vitit, rekordi i Miley Cyrus “Flowers”, pati një vrull të jashtëzakonshëm që nga dita e debutimit deri në muajt e verës dhe tani numëron më shumë se 1.6 miliardë transmetime globalisht.
Në vendin e dytë dhe të tretë janë “Kill Bill” nga SZA dhe “As It Was” nga Harry Styles.
Vendi i katërt dhe i pestë vijnë nga Jung Kook me “Seven (feat. Latto)” dhe Eslabon Armado dhe Peso Pluma me “Ella Baila Sola”.
Albumet më të mira botërore të vitit 2023
Dëgjuesit shikuan nga e kaluara në zgjedhjen e albumeve për të luajtur, pasi disa nga pesë albumet më të mira të këtij viti u publikuan para vitit 2023.
Albumi më i transmetuar i vitit për të dytin vit radhazi ishte “Un Verano Sin Ti” nga Bad Bunny , me më shumë se 4.5 miliardë transmetime globalisht, e ndjekur nga albumi “Midnights” i Taylor Swift.
SZA zë vendin e tretë me “SOS”.
Dhe në vendin e katërt dhe të pestë janë “Starboy” nga The Weeknd dhe “MAÑANA SERÁ BONITO” nga KAROL G. /Telegrafi/
