Ka ndërruar jetë aktori australian Vincent Gil

Ylli i “Mad Max”, Vincent Gil, ka vdekur në moshën 83 vjeçare. Aktori australian ishte më i njohur për rolin e tij si Nightrider në filmin e vitit 1979.

Njoftimin për vdekjen e tij e ka dhënë në Facebook bashkaktori, Paul Johnstone, i cili luajti Cundalinin. Shkaku i vdekjes nuk është bërë i ditur.

Duke ndarë një fotografi të fundit të tyre, Johnstone shkroi: “Fatkeqësisht, është e vërtetë… Vince Gil na ka lënë. Ai ka qenë shumë i dobët për disa kohë dhe fatmirësisht nuk duhet të frenohet më nga vdekshmëria e tij”.

I lindur në Sydney në vitin 1939, Gil mori rolin e tij të parë në vitin 1966 dhe punoi deri në televizionin dhe filmin australian, me role në seriale, si “Neighbors” e “Matlock Police”.

Ai luajti së bashku me Mel Gibson në “Mad Max”, si Craword Montazano i njohur si Nightrider, i cili ishte anëtar i bandës së motorëve të Toecutter (Hugh Keays-Byrne). /Telegrafi/