Juventusi konfirmon se ylli i tyre i mesfushës, Teun Koopmeiners ka pësuar një frakturë të dytë të brinjës anteriore të djathtë paksa të dislokuar dhe rikuperimi i tij do të ‘vlerësohet sipas simptomave të tij’.
Koopmeiners u tërhoq nga kombëtarja e Holandës për pushimin ndërkombëtar në tetor për shkak të një lëndimi. Juventus tani ka sqaruar natyrën e çështjes së lojtarit pasi mesfushori holandez iu nënshtrua testeve në Torino të enjten në mëngjes.
“Teun Koopmeiners, pas vazhdimit të simptomave të dhimbshme të përjetuara në fund të pjesës së parë të ndeshjes kundër Cagliarit, iu nënshtrua ekzaminimeve diagnostike mëngjesin e sotëm në J|Medical që treguan praninë e një frakture paksa të dislokuar të brinjës së dytë të përparme të djathtë”, thuhet në një komunikatë të Zonjës së Vjetër.
Bollettino medico | Le condizioni di Koopmeiners
— JuventusFC (@juventusfc) October 10, 2024
Lojtari do t’i nënshtrohet terapisë së duhur dhe rikuperimi i tij do të vlerësohet sipas simptomave të tij.
Sipas Sky Sport Italia, kjo do të thotë se Koopmeiners me siguri do të humbasë ndeshjen e radhës në Serie A kundër Lazios në Allianz Stadium në Torino.
Gjigantët e Serisë A kanë tri ndeshje kyçe menjëherë pas pushimit. Pas Lazios, ata do të takohen me Stuttgartin në Ligën e Kampionëve dhe Interin në Serie A.
Tuttosport raportoi të mërkurën se Koopmeiners është një dyshim për të gjitha tri ndeshjet e ardhshme të Juventusit. /Telegrafi/