Gjatë muajve të fundit, Jude Bellingham besohet se ka vepruar si një ‘agjent’ për Real Madridin, në përpjekjet e tyre për ta transferuar Trent Alexander-Arnold.
21-vjeçari ka një raport të afërt me Alexander-Arnold dhe këtë drejtuesit janë munduar ta shfrytëzojnë në avantazhin e tyre.
Por, përveç Alexander-Arnold, duket se Bellingham është i afërt edhe me një tjetër objektiv të ‘Los Blancos’ – Alphonso Davies.
Real Madridi tash e sa kohë është lidhur me një transferim të mundshëm të Davies dhe ndonëse gjatë javëve të fundit dukej se kjo ishte e pamundur të arrihet, tashmë është lënë të kuptohet se një marrëveshje mund të arrihet së shpejti.
Jude Bellingham w Alphonso Davies!🤍 pic.twitter.com/YCalCtDaNU
— ِ (@JBrmfc) December 29, 2024
Sidoqoftë, Bellingham është parë së bashku në një festë me kanadezin më herët gjatë kësaj jave.
Davies do të ishte një blerje tejet e nevojshme për Real Madridin, duke pasur parasysh vështirësitë e tyre në krahun e majtë këtë sezon.
Momentalisht gjasat janë të mëdha që ai të rinovojë me Bayern Munich, por në rast se kjo nuk ndodhë, atëherë madrilenët do të ishin klubi favorit për të siguruar shërbimet e tij./Telegrafi/