Qendërmbrojtësi i Manchester Cityt dhe Anglisë, John Stones ka emëruar lojtarin më të mirë me të cilin ka luajtur dhe kundërshtarin më të mirë e të cilin është përballur, gjatë intervistës së tij në episodin e fundit të ‘Simply The Best’ nga GOAL.
Stones ka qenë një mbrojtës jetik për klubin dhe vendin gjatë viteve të fundit, duke luajtur në një finale të Ligës së Kampionëve, një finale të Kampionatit Evropian dhe një gjysmëfinale të Kupës së Botës, si dhe në finale të shumta vendore.
Nga Mohamed Salah te Ciro Immobile, Stones ka luajtur kundër shumë prej sulmuesve më të mirë në futbollin në botë, por kush është më i miri me të cilin ai ka luajtur?
Nuk është befasi, por Stones ka thënë për Goal.com se shtatë herë fituesi i Topit të Artë, Messi, është kundërshtari më i mirë me të cilin ka luajtur.
“Në ditën kur ai nuk luajti vërtet sipas standardeve të tij të zakonshme, por të qenit një tifoz i tij dhe të shikoje lëvizjen e tij, të shikoje se çfarë bënte me topin ishte vërtet e pabesueshme”, ka thënë Stones.
Stones nuk ka luajtur vetëm kundër disa lojtarëve të jashtëzakonshëm, ai ka luajtur edhe me ta.
“David Silva duhet të jetë aty te lojtari më i mirë. Ai thjesht bëri që gjithçka të dukej kaq e lehtë. Mënyra se si ai lëviz me topin, pasimet, thjesht ishin magjike”, përfundoi anglezi. /Telegrafi/