John Corbett do të shfaqet në sezonin e dytë të serialit “And Just Like That…” që është një vazhdim i “Sex and the City” që transmetohet në HBO Max.
Sipas Deadline, aktori do ta përsëritë rolin e Aidan Shaw dhe do të ketë një rol të rëndësishëm në sezonin e dytë të serialit.
Tash për tash, përfaqësuesit e HBO Max dhe vet Corbett kanë refuzuar t’i komentojnë këto thashetheme.
Ndërkaq, fansave u mbetet të hamendësojmë nëse dashuria e madhe e Carrie Bradshaw (të portretizuar nga Sarah Jessica Parker) do të shfaqet në serial dhe çfarë mund të ndodhë atje.
Disa prej tyre janë gëzuar shumë me lajmin duke komentuar në rrjetet sociale. Ndërsa disa të tjerë e kanë pritur lajmin me rezerva, pasi aktori u kishte thënë mediave në prill të vitit 2021 se do të ishte pjesë e serialit, por kjo nuk kishte ndodhur. /Telegrafi/