Jennifer Lawrence i tha Andy Cohenit se ajo nuk ka qenë në lidhje me Liam Hemsworthin gjatë kohës që ai ishte me Miley Cyrus, në episodin e së hënës të “Watch What Happens Live”.
Andy e pyeti për këtë sepse tha se kur doli kënga “Flowers” e Mileyt u fol shumë se videoklipi po i referohej një përplasjeje sekrete që ajo kishte me Liam, 33 vjeç, ndërsa ishte me Mileyn, 30 vjeçare.
“Nuk është e vërtetë”, tha Jennifer.
“Të gjitha janë thashetheme. Të gjithë e dimë se jemi puthur vetëm një herë dhe kaluan vite pasi ata u ndanë, kështu që supozova se ishte një rastësi”, tha Jennifer.
Aktorja 32-vjeçare pranoi se ka shkëmbyer puthje në buzë me Liam jashtë kamerave.
“Liam dhe unë jemi rritur bashkë. Ai është shumë ‘hot’. Çfarë do të kishit bërë ju?”, tha biondja duke qeshur.
Jennifer dhe Liam filmuan ekskluzivitetin fantastiko-shkencor “The Hunger Games” me katër pjesë midis 2012 dhe 2015, duke luajtur të dashuruarit në ekran ‘Katniss Everdeen dhe Gale Hawthorne’.
Liam dhe Miley nga ana tjetër u ndanë pas dhjetë vitesh lidhje së bashku.
Ndarja e tyre bëri bujë të madhe në showbizin ndërkombëtar duke qenë se ishin një nga çiftet më të komentuara. /Telegrafi/
