Këngëtari me famë botërore, Jason Derulo është xhiruar duke u rrahur me dy djem në Las Vegas pasi, njëri prej tyre iu referua atij gabimisht me emrin e kolegut të tij, këngëtarit Usher.
Videoja e marrë në orët e hershme të mëngjesit të së martës tregon se 32-vjeçari u nis drejt një grupi burrash pasi njëri prej tyre bërtiti, “Hej, Usher! Në djall, ti bushtër”, në drejtim të tij.
Sipas burimeve të tabloidit TMZ, policia u thirr në hotelin “Aria” menjëherë pasi ndodhi sherri i dyshuar, shkruan DailyMail.
Momente para konfrontimit, Jason u pa duke u ngjitur në një shkallë lëvizëse me një truproje të dukshme dhe një anëtar tjetër të rrethimit të tij. Ai thuhet se kishte parë një nga personat e përfshirë gjatë rrugës.
Jason më pas u kthye në shkallët lëvizëse, ku një nga burrat e paidentifikuar dukej se e ngatërroi atë me Usher.
Dëshmitarët okularë pohuan se Derulo ishte aq i zemëruar nga emri i gabuar saqë ai e goditi njërin prej burrave ‘me grusht në fytyrë’.
Të tjerë vazhduan të pretendonin se Jason ‘i dha një shuplakë djalit tjetër që ndodhej aty vetëm disa çaste më vonë’ dhe se sigurimi po përpiqej të ndërhynte.
Videoja tregon Jason – i veshur një këmishë të kuqe – në dysheme me një nga burrat, ndërsa një roje sigurie u përpoq t’i jepte fund përleshjes.
Sipas The Blast, Derulo u “largua me pranga larg vendit të ngjarjes” nga Departamenti i Policisë së Las Vegasit dhe se që atëherë ai “u lirua nga paraburgimi nga policia”.
Dy burrat e përfshirë, që tani, thuhet se nuk donin të ngrinin akuza kundër këngëtarit të hitit “Wiggle”, megjithëse statuti i kufizimeve të Nevadas për kundërvajtjet është një vit.
“Jason mori një njoftim për shkelje nga ARIA dhe u hoq nga prona”, raporton TMZ.
Burimet e tyre pohuan se ‘lëndimet’ e raportuara nga burrat ‘nuk kërkonin ndonjë vizitë në spital, edhe pse dy djemtë dukej se derdhën pak gjak nga plagët në fytyrë’.
Këngëtari ende nuk ka bërë një reagim publik në lidhje me sherrin në fjalë.
Derulo nuk ka një reputacion të keq si artist sherresh dhe ka qenë i fokusuar në atësinë që nga lindja e djalit të tij, tani shtatë muajsh, Jason King.
Ai e ka këtë djalë me ish-partneren e tij, Jena Frumes, 28 vjeçe, nga e cila u nda në shtator pas më shumë se një viti lidhje.
Jason dha lajmin për ndarjen në Twitter, duke u shkruar fansave të tij: “Jena dhe unë kemi vendosur të ndahemi. Ajo është një nënë e mrekullueshme, por ne ndjehemi të ndarë në këtë kohë do të na lejojë të jemi versionet më të mira të vetes dhe prindërit më të mirë që mund të jemi. Ju lutemi, respektoni privatësinë tonë në këtë kohë”.
Dyshja nuk kanë lejuar që ndarja e tyre t’i ndalojë ata që të bashkë-prindërojnë në mënyrë miqësore për djalin e tyre. /Telegrafi/
