Ish-presidentja Atifete Jahjaga, ka votuar sot për zgjedhjet e jashtëzakonshme parlamentare.
Jahjaga, përmes një postimi në Facebook, iu ka bërë thirrje qytetarëve që ta shfrytëzojnë këtë të drejtë dhe t’i votojnë kandidatët e tyre të preferuar për Kuvendin e Kosovës.
“Sot shfrytëzova të drejtën time për të votuar dhe i bëj thirrje secilit prej jush, qytetarëve të Kosovës, ta shfrytëzoni këtë të drejtë dhe t’i votoni kandidatët e juaj të preferuar për Kuvendin e Kosovës.
Zgjedhjet e lira dhe të drejta janë element kyç i sistemit demokratik të cilin synojmë ta zhvillojmë dhe ta forcojmë edhe më tej.
Vendosni maskën dhe votoni sot për të ardhmen që doni ta keni nesër”, ka shkruar Jahjaga . /Telegrafi/