Një sërfist australian është me fat që është gjallë pas një përplasjeje me një peshkaqen – por dërrasa e tij e sërfit nuk ishte aq me fat.
Dale Kittow po bënte sërf në plazhin Cheynes në Australinë Perëndimore kur një peshkaqen u vërsul drejt tij, duke e bërë të vepronte shpejt dhe të përdorte dërrasën e tij për të shmangur grabitqarin, përcjell Telegrafi.
“Sapo u ula në dërrasën time dhe ai më rrethoi disa herë përpara se të më sulmonte”, tha Kittow, 37 vjeç.
“Unë u hodha nga pjesa e pasme dhe e shtyva dërrasën në fytyrën e tij dhe u përlesha pak me të”, shtoi ai.
Megjithëse Kittow ishte në gjendje të ruante pjesën e kafshuar të dërrasës si kujtim, pjesa tjetër e saj u konfiskua nga Departamenti i Industrive Primare dhe Zhvillimit Rajonal për të hetuar më tej sulmin. /Telegrafi/
