Aktori dhe producenti anglez, Idris Elba, ka konfirmuar se nuk i është ofruar roli për James Bond.
Ai ka qenë një nga kandidatët më të ‘nxehtë’ për të marrë përsipër rolin e agjentit të shërbimit sekret kur Daniel Craig të largohet nga Bond në 2020.
Por, në një intervisë për numrin e muajit gusht të Vanity Fair, Elba ka konfirmuar se nuk i’u është ofruar ky rol.
Gjithashtu, aktori 46 vjeç, pranoi se ndihet i zhgënjyer kur disa njerëz pohojnë se roli i 007 nuk mund të luhet nga një aktor me ngjyrë.
“Sigurisht, nëse dikush do të më thoshte se a do e luaje James Bondin do të thosha po. Kjo do të ishte interesante për mua”, ka thënë ndër të tjera Elba.
Theksojmë që spekulimet rreth këtij roli ishin përhapur kur Idris Elba ishte fotografuar pranë aktorit Daniel Craig.
Nga ana tjetër, aktori para pak muajve është martuar me partneren e tij, Sabrina Dhowre, cila është 17 vjet më e re se ai. /Telegrafi/