Zlatan Ibrahimovic, sulmuesi i Paris Saint-Germainit, ka deklaruar se skuadra e tij do të provojë të fitojë të gjitha ndeshjet që ka deri në fund të sezonit.
Deklaratën ai e bëri pas triumfit në Londër ndaj Chelseat në 1/8-ën e finales së Ligës së Kampionëve. Ibrahimovic realizoi golin e fitores në triumfin e dytë ndaj Bluve. Të dy ndeshjet përfunduan me rezultatin 2-1 në favor të “Princave”.
“Ne nuk do ndalemi tani. Ne do të vazhdojmë të japim maksimumin nga vetja dhe kështu të fitojmë të gjitha ndeshjet e mbetura”.
“Ishte lojë e mirë. Patëm presion, por edhe mbajtëm topin. Shënuam dy herë nga shumë raste që kishim. Nuk do të ndalemi tani. Do të japim gjithçka dhe të provojmë të fitojmë të gjitha ndeshjet në dy muajt e fundit të sezonit”, ka deklaruar Ibra pas takimit.