Site icon Telegrafi

Çfarë momenti emocionues: Myrto Uzuni bëhet golashënuesi më i mirë në histori të Granadas

Bardh Maxhuni

Granada mori një fitore bindëse me rezultat 3-0 ndaj Racing Santander në kuadër të javës së 18-të në kategorinë e dytë të futbollit spanjoll.

Më meritori për këtë fitore ishte padyshim sulmuesi shqiptar Myrto Uzuni i cili ishte autor i dy golave të shënuar në këtë takim.

Uzuni shënoi fillimisht në minutën e 52-të për rezultatin 2-0 pas asistimit të Sergio Rodelas, teksa të dytin e shënoi në minutën e 76-të pas asistimit të Sergio Alonsos.

Për paraqitjen e tij në këtë sfidë, Uzuni u shpall lojtari më i mirë i ndeshjes duke marrë notën 8.3 nga Sofascore.

Përtej tri pikëve të fituara, këta dy gola ishin të rëndësisë së veçantë për yllin e kombëtares shqiptare.

Kjo për shkak se Uzuni është bërë tashmë golashënuesi më i mirë në histori të Granadas me plotë 46 gola të realizuar.

29-vjeçari tashmë numëron 11 gola të realizuar pas 15 ndeshjeve të luajtura deri më tani, teksa ka edhe një asistim./Telegrafi/

Exit mobile version