Hidhini një sy stadiumit ku do të luhet Liga Premier sezonin e ardhshëm, kushtet aty shqetësojnë gjigantët anglezë

Në ndeshjen play-off për hyrjen në Ligën Premier, lojtarët e Lutonit mposhtën ata të Coventry Cityt me rezultat 6-5 pas penalltive dhe në këtë mënyrë për herë të parë në historinë e tyre u futën në nivelin elitar të futbollit anglez.

Në ndeshjen e luajtur në Wembley pas 90 minutave të rregullta, rezultati ishte 1-1.

Shumë kanë kritikuar kushtet në stadiumin “Kenilworth Road”, i cili mban pak më shumë se 10,000 spektatorë, duke besuar se ky klub nuk i përmbush standardet e Ligës Premier.

“Kenilworth Road” është një stadium me një kapacitet prej 10356 vendesh dhe në sezonin e ardhshëm do të jetë bindshëm stadiumi më i vogël në kategorinë elitare.

Lexo po ashtu Luton Town siguron Ligën Premier: Fiton ndeshje më të shtrenjtë në futboll – elita angleze do të luajë në një stadiumin e vogël

Përveç futjes në Ligën Premie, Luton merr edhe mbi 100 milionë euro si bonus hyrjeje në elitë.

Nuk ka dyshim se do të jetë shumë interesante të shihet se si do të sillen me gjigantë si Manchester City, Arsenal, Liverpool, United dhe të tjerë sezonin e ardhshëm.

Është interesante se vetëm katër vjet më parë, Luton luante në kategorinë e katërt të futbollit anglez dhe në një kohë ishte edhe në prag të shuarjes për shkak të problemeve financiare. /Telegrafi/