Trajneri i Chelseat, Guus Hiddink, thotë se skuadra e tij lëshoi shumë raste në humbjen 2-1 nga PSG në takimin e dytë të 1/8-ës së finales në Ligën e Kampionëve.
Blutë pësuan në dy takime me të njëjtin rezultat dhe tani janë eliminuar nga Liga e Kampionëve.
“I respektuam shumë në dhjetë minutat e parë, ata dominonin. Ata ishin shumë të mirë, por sapo u shtrënguam kishim disa raste. Në minutën e 67-të ndryshoi gjithçka. Patëm rast të mirë për të shënuar, pastaj Diego Costa u lëndua. E dinim se nuk ishte plotësisht gati, por donte që të luante patjetër dhe realizoi një gol të bukur”, ka thënë holandezi pas takimit, transmeton koha.net.
“Patë edhe dallimin mes skuadrave kur ne u detyruam të sillnim djem të ri në lojë, ndërsa ata patën Edinson Cavanin. Më duhet të them se Kenedy ishte i shkëlqyeshëm në krahun e majtë”, ka shtuar ai.