Presidenti amerikan Joe Biden, ka deklaruar se shpreson që Irani të tërhiqet nga kërcënimet për hakmarrje kundër Izraelit për të shmangur një luftë serioze në Lindjen e Mesme.
Tensionet po rriten më tej në rajon pasi lideri më i lartë politik i Hamasit, Ismail Haniyeh u vra në kryeqytetin e Iranit, Teheran, transmeton Telegrafi.
Irani është zotuar të hakmerret për vdekjen e tij, me përfaqësuesit e tij që tashmë kanë përshkallëzuar sulmet kundër Izraelit. Hamasi dhe Irani të dy akuzojnë Izraelin për kryerjen e vrasjes.
+++BREAKING+++ Footage from northern Israel as Hezbollah fires rocket barrage.Dozens of Iron dome interceptions can be seen #Israel #Hezbollah #middleeast Beirut, Lebanon pic.twitter.com/43xfSFKEQq
— Gheorghe Codrea 🟦 (@gheorghe_codrea) August 3, 2024
Vrasja erdhi një ditë pasi ushtria izraelite pretendoi se kishte vrarë një komandant të lartë të grupit militant libanez të Hezbollahut në Bejrut.
Ndërsa Irani vazhdon të kërcënojë një sulm hakmarrës kundër Izraelit, presidenti amerikan u pyet nëse mendonte se kishte një shans që ata të tërhiqeshin.
“Shpresoj që po. Nuk e di”, tha Biden në një përgjigje të shkurtër.
Hezbollah fires rocket barrage at northern Israel tonight right now. pic.twitter.com/323F4nCUhk
— Emily Schrader – אמילי שריידר امیلی شریدر (@emilykschrader) August 1, 2024
Hezbollahu gjuajti rreth 30 raketa nga Libani drejt Galilesë së sipërme gjatë natës.
Videot treguan se sistemi mbrojtës Iron Dome i Izraelit po aktivizohej mbi territorin e tij herët të dielën.
Në një deklaratë që merrte përgjegjësinë për sulmin me raketa, Hezbollah bëri të qartë se nuk ishte në përgjigje të vrasjes së komandantit të tyre të lartë.
Grupi tha se breshëria ishte një përgjigje ndaj sulmeve izraelite që vranë civilë në dy fshatra në jug të Libanit. /Telegrafi/
