Kryeministri Ramush Haradinaj priti në takim kryetarin e Hanit të Elezit, Rufki Suma.
“Nga kryetari i Hanit të Elezit, Rufki Suma, u njoftova sot për projektet dhe sfidat në këtë komunë, veçanërisht në infrastrukturë”, njoftoi Haradinaj.
Sipas tij, qeveria e vendit do të vazhdojë mbështetjen e gjithanshme të Hanit të Elezit.
Në këtë aspekt, Haradinaj përmendi edhe miratimin e Ligjit për Dhënien në Shfrytëzim dhe Këmbim të Pronës Komunale, si hapi më i madh në fuqizimin e zhvillimit ekonomik lokal, duke kthyer pronën komunale në potencial zhvillimor.