“Qytetarët mund të jenë të qetë, OBRM-PDUKM-ja nuk do të lejojë rizgjedhje të gjykatësve në Maqedoni, kontroll dhe partizim të gjyqësorit”, deklaroi kryetari i OBRM-PDUKM-së, Nikolla Gruevski, në promovimin e 14 veprave të reja nga projekti “Përkthim i librave shkencorë dhe profesional”, përcjell Telegrafi Maqedoni.
“LSDM-ja asnjëherë nuk ka bërë reforma reale të cilat do ta përmirësonin punën e gjykatësve. Më të vjetërit e dijnë mirë çfarë ndodhi me gjyqësorin në kohën e LSDM-së, partizim i vazhdueshëm dhe kontroll nga pushteti i LSDM-së. LSDM-ja reforma në gjyqësor e quajti edhe atë në vitin 1996 kur 600 gjykatës me urdhër partiak u emëruan në Parlament”, deklaroi Gruevski.
Ai theksoi se roli i OBRM-PDUKM-së, do të jetë të ndalojë rizgjedhjen e gjykatësve duke shtuar se do të bëjnë gjithçka për ta ndaluar partizimin e Gjykatave./Telegrafi/