Një gjykatë në Hong Kong urdhëroi China Evergrande, zhvilluesin gjigant të pasurive të paluajtshme, që t’i nënshtrohej likuidimit pas një përpjekjeje të dështuar për të ristrukturuar 300 miliardë dollarë borxh ndaj bankave dhe zotëruesve të obligacioneve që nxitën frikën për rritjen e barrës së borxhit të Kinës.
Sipas mediave të huaja, përcjell Telegrafi, bëhet fjalë për China Evergrande Group që është një nga më të mëdhenjtë e një serie zhvilluesish kinezë që kanë kolapsuar që nga viti 2020 nën presionin zyrtar për të frenuar borxhin në rritje, gjë që Partia Komuniste në pushtet e sheh si një kërcënim për ngadalësimin e rritjes ekonomike të Kinës.
Tregjet financiare globale u tronditën më herët nga frika se një likuidim i Evergrande mund të shkaktonte valë tronditëse globale.
Por rregullatorët kinezë thanë se rreziqet mund të përmbahen pasi vetëm disa miliardë dollarë nga borxhi i Evergrande janë borxhe ndaj kreditorëve të huaj.
Megjithatë, është e paqartë se si urdhri i likuidimit do të ndikojë në sistemin financiar të Kinës.
Evergrande pati një pezullim nga gjykata e Hong Kongut në dhjetor pasi tha se po përpiqej të “përpunonte” një plan të ri ristrukturimi të borxhit prej më shumë se 300 miliardë dollarësh në detyrime. /Telegrafi/