Ky është momentin kur zyrtari i lartë i Hamasit reagon ashpër ndaj gazetarit të BBC-së gjatë një interviste, kur pyetet sesi i arsyeton vrasjet e familjeve izraelite derisa ata ishin duke fjetur në dhomat e tyre të gjumit.
Zëvendësministri i Jashtëm i Hamasit në Gazë, Ghazi Hamad u nervozua nga korrespondenti i BBC-së për Lindjen e Mesme, Hugo Bachega kur është pyetur për vrasje barbare të 1.500 izraelitëve, transmeton Telegrafi.
Hamad në fillim tha se nuk ka pasur ndonjë urdhër për vrasjen e civilëve, kur Hamasi u fut në territorin e Izraelit gjatë 7 tetorit, duke vrarë në shkretëtirë 260 pjesëmarrës në një festival të muzikës elektronike dhe shumë tjerë në pjesë të ndryshme.
Prej asaj kohe janë publikuar pamje të vrasjeve të civilëve në kibucin Be’eri, ku njerëzit janë vrarë në shtretër e imazhet e këtyre vrasje i ka parë Daily Mail nga ambasadori izraelit në Londër, që thuhet se janë shumë të rënda dhe shihen dhomat e mbushura me gjak.
E Hamad derisa tentoi të arsyetohet tha se ishte një hapësirë e madhe, dhe aty shpërtheu përplasja dhe konfrontimi me izraelitët. Ndërkaq gazetari këmbënguli se nuk ishte konfrontim, por se militantët e Hamasit ishin futur nëpër shtëpi.
Gjithçka kulmoi kur i është kërkuar ta shpjegojë sesi e arsyeton vrasjen e njerëzve derisa ishin duke fjetur. Hamad nervozohet, heq mikrofonin dhe kërkon që intervista të ndërpritet. /Telegrafi/
