Shkëlzen Gashi ia ka bërë sefte me fitore në kampionatin amerikan.
Mesfushori i Kombëtares shqiptare e ka nisur ndeshjen nga minuta e parë për skuadrën e tij Colorado Rapids përballë Los Angeles Galaxy.
Në një takim ku mysafirët ishin favoritë për të triumfuar, vendasit kanë arritur t’i befasojnë në fund të ndeshjes.
Ishte minuta e 95-të e takimit, kur sulmuesi i Colorado Rapids, Marco Pappa shënoi golin e fitores.
Gashi në këtë sfidë ishte i pranishëm në fushë për gjatë 84 minutave dhe është vlerësuar lartë për paraqitjen e tij.
Anëtari i Kombëtares shqiptare kishte tri mundësi të mira shënimi mirëpo fati ia ktheu shpinën, por edhe portieri mysafir që intervenonte në mënyrë të mrekullueshme.
Pas kësaj fitore, Colorado zë vendin e shtatë në tabelë pas dy xhirove me tri pikë të tubuara. /Telegrafi/
Full highlights from #COLvLA. (Hint: watch till the end)
Posted by Colorado Rapids Soccer Club on 2016-03-12