Barcelona dhe Manchester Unitedi e zhvillojnë ndeshjen kthyese çerekfinale të Ligës së Kampionëve që kësaj radhe zhvillohet në Camp Nou.
Blaugranët e fituan me rezultat 1-0 sfidën e parë në Old Trafford, prandaj me çfarëdo barazimi apo fitoreje kualifikohen në gjysmëfinale.
Djajtë e Kuq duhet doemos ta fitojnë ndeshjen duke shënuar dy e më shumë gola për t’u kualifikuar. Fitorja 1-0 e Unitedit e dërgon sfidën në vazhdime.
Padyshim që edhe trajnerët Ernesto Valverde dhe Ole Gunnar Solskjaer do t’i vënë përballë taktikat e tyre.
Formacioni startues i Barcelonës: Ter Stegen; Sergi Roberto, Pique, Lenglet, Alba; Rakitic, Busquets, Arthur; Messi, Suarez, Coutinho.
Formacioni startues i Manchester Unitedit: De Gea – Jones, Smalling, Lindelof, Young – Fred, McTominay, Pogba – Lingard, Rashford, Martial.
Sfida tjetër çerekfinale e kësaj mbrëmjeje (e martë) zhvillohet ndërmjet Juventusit dhe Ajaxit. /Telegrafi/