Alessandro Florenzi ka këmbëngulur se ai është i lumtur te Paris Saint-Germain edhe pse ai nuk pranon të përjashtojë një rikthim të mundshëm te Roma.
Reprezentuesi italian u bashkua me PSG-në nga Roma si huazim me opsion blerje në verën e ardhshme.
Gjigantët e Ligue1 kanë paguar 500 mijë euro për huazimin një-sezonal të lojtarit dhe do të paguajnë pagën e tij për sezonin aktual.
Florenzi ka folur rreth të ardhmes së tij duke konfirmuar se është i lumtur te PSG, por ka refuzuar të përjashtoj një rikthim te Roma.
“Për momentin, sinqerisht, nuk mendoj për Romën”, ka thënë fillimisht 29-vjeçari për RMC Sport.
“Për momentin, ekipi im është PSG. Jam mirë këtu, por respektoj të kaluarën time”.
“Më duhet të jap 100 për qind për PSG-në, të paktën deri në fund të sezonit, atëherë do ta shohim”, përfundoi Florenzi. /Telegrafi/