Kandidati për deputet nga radhët e Partisë Demokratike të Kosovës (PDK), Faton Abdullahu, ka deklaruar se do të ishte e dëmshme që më 9 shkurt të votohet për Albin Kurtin si kandidat për kryeministër.
“Është vetëvrasje elektorale që më 9 shkurt, me votat tona, Kurtin t’ia qesim Trump-it përpara, si përzgjedhjen tonë më të mirë, me të cilin ai duhet të bashkëpunojë e të shpresojmë se kështu do të fitojmë në përballje me Serbinë”, ka deklaruar Abdullahu.
Ai ka bërë thirrje që votuesit të mbështesin kandidatin e PDK-së për kryeministër, Bedri Hamza, duke theksuar përvojën dhe figurën e tij politike.
“Bedri Hamza ka qenë Guvernator, ministër e kryetar komune. Personaliteti i tij nuk është ndërtuar duke gjuajtur gurë apo gaz. Votoni Bedri Hamzën për Kryeministër dhe votoni numrin 39 nga lista e PDK-së”, ka përfunduar Abdullahu.
“Më 9 shkurt kërkoj nga ju ta votoni PDK-në me numër 131 dhe mua Faton Abdullahu me numër 39. Ju ftoj të votoni për një të ardhme ku të gjithë do të jemi MaMirë”, ka deklaruar Abdullahu.
