Real Madridi po përballet me një pyetje kryesore para sezonit të ardhshëm veror: si të forcojnë vijën e parë të sulmit, pavarësisht sukseseve që po vijnë me sistemin aktual dhe lojtarin Jude Bellingham. Spekulimet rreth Kylian Mbappes vazhdojnë të rrethojnë klubin, por në “Santiago Bernabeu” tashmë është një yll në ngritje.
Talenti brazilian i ri, Endrick Felipe, pritet të bashkohet me skuadrën në korrik të vitit të ardhshëm sapo të mbushë 18 vjeç, në një marrëveshje që kap vlerën e 40 milionë eurove plus 20 milionë të tjera në bonuse.
Entuziazmi për të është i madh, teksa ai ka qenë në radarët e klubeve që në moshën 15-vjeçare, me disa nga gjigantët e futbollit evropian që garuan për nënshkrimin e tij.
Fabrizio Romano, ekspert i njohur i tregut të transferimeve, së fundmi zbuloi se Endrick zgjodhi Real Madridin para Chelseat dhe Paris Saint-Germain. Sipas rubrikës së tij në “Daily Briefing”, një nga skautët kryesorë të Real Madridit, Juni Calafat, si dhe preferenca personale e Endrick, kanë luajtur një rol të rëndësishëm në këtë vendim.
“Preferenca e klubit është thelbësore, kjo bën ndryshimin. Nuk ishte çështje e Chelseat, PSG-së apo parave… ai donte të shkonte te Real Madridi dhe ishte prioriteti i tij i vetëm. Gjithashtu, puna e Juni Calafat ishte vendimtare për të finalizuar marrëveshjen në një moment kyç”, bëri të ditur Romano për “Caught Offside”.
Calafat, i cili më parë ka qenë skaut, tani është në krye të operacioneve të rekrutimit të Real Madridit. Kontributi i tij ka qenë vendimtar në marrjen e lojtarëve si Rodrygo Goes dhe Vinicius Junior, dhe nëse Real Madridi ka arritur të dominojë në rekrutimin e talenteve braziliane prej kohësh, Calafat mund të jetë një nga arsyet kryesore pse ata kanë arritur sukses në këtë fushë. /Telegrafi/
https://www.youtube.com/watch?v=86Jzmub8flI&ab_channel=MadridistaTV