Këngëtarja e njohur shqiptare, Era Istrefi, do të jetë interpretuesja e himnit të Kampionatit Evropian që këtë vit mbahet në Rusi.
Gjatë ditës së sotme, mediumi prestigjioz The Guardian, ka publikuar një shkrim në të cilin citon se artistja shqiptare së bashku me Will Smith dhe Nicky Jam do të publikojnë këngën e tyre të re të premten.
Kjo këngë do të jetë ajo e cila do të hapë Kampionatin Botëror dhe do ta shoqërojë atë deri në përfundimin e tij.
Ky fakt i ka bërë të lumtur dhe krenarë shumë shqiptarë, ndër ta edhe kolegë të këngëtares.
Artistë të shumtë nga Estrada nuk kanë nguruar që të publikojnë në rrjetet e tyre sociale shkrimin e The Guardian, teksa ndjehen krenarë për arritjet e koleges së tyre.
Capital T, Nora Istrefi, Lumi B, Robert Berisha, 2po2, e Dafina Zeqiri janë vetëm disa nga emrat që kanë bërë këtë gjë.
Më poshtë mund të gjeni postimet e secilit artist në mbështetje të koleges së tyre. /Telegrafi/
