Cesc Fabregas nuk mendon se Declan Rice ka nevojë për kohë për t’u përshtatur në Arsenal dhe thotë se ai mund të bëhet një lider i madh për skuadrën e tij të vjetër.
Skuadra londineze nënshkroi me mesfushorin anglez nga West Ham United për 115 milionë euro, por spanjolli mendon se mund të dëshmojë se ia vlen.
Duke përshëndetur 24-vjeçarin në një intervistë për Sky Sports, Fabregas ka thënë: “Arsenali do të garojë sërish për titullin; janë më të fortë se sezonin e kaluar. Declan Rice është fantastik”.
“Personaliteti i tij sjell një dimension të ri në skuadër dhe atij nuk i duhet shumë kohë për t’u përshtatur, sepse është shumë i zgjuar. Ai mund të jetë një lider i madh për Arsenalin”.
Rice e ka ndihmuar Arsenalin që të fillojë fuqishëm sezonin. Që nga ardhja e tij, Gunners kanë fituar Community Shield dhe dy ndeshjet e tyre të para në Ligën Premier kundër Nottingham Forest dhe Crystal Palace.
Sipas WhoScored, reprezentuesi anglez aktualisht po bën tre goditje për ndeshje. Askush në skuadrën e Mikel Artetës nuk ka më shumë se ai tani. /Telegrafi/