Trajneri i Manchester Unitedit, Erik ten Hag ka thënë se fundmi se ekipi i tij lufton për trofe dhe duhet t’i fitojë ata.
Djajtë e Kuq e kanë nisur sezonin e Ligës Premier me fitoren 1-0 ndaj Fulhamit. Ata gjithashtu kanë bërë katër përforcime të reja dhe janë në kërkim për të paktën një tjetër para afatit.
Pas kësaj fitore, trajneri holandez ka treguar se objektivi i Djajve të Kuq është të fitojë trofe.
“Ne jemi këtu për të fituar në Manchester United”, ka thënë fillimisht Ten Hag në një intervistë së fundmi.
“Ne jemi këtu për të marrë trofe kështu që ky sezon nuk do të jetë ndryshe”.
“Atëherë duam të qëndrojmë larg nga të gjitha dëmtimet, sepse atëherë jeta është më e lehtë!”.
“Është më e lehtë për të arritur objektivat e larta që kemi vendosur”.
Me një ‘makinë’ si INEOS që tërheq fijet, Ten Hag mund të arrijë të paktën një nga objektivat e tij. Sa i përket lëndimeve, gjithçka varet nga ekipi mjekësor dhe lojtarët. /Telegrafi/
