E fejuara e gazetarit të vrarë saudit Jamal Khashoggi dhe grupi për mbrojtjen e të drejtave të njeriut “Demokracia për botën arabe”, që e kishte themeluar Khashoggi, kanë ngritur pati në gjykatën amerikane me pretendim se princi i kurorës saudite Mohamed bin Salman kishte urdhëruar vrasjen në Stamboll të Turqisë.
Më shumë se 20 sauditëve u është përmendur emri në procesin civil, ku ata akuzohen për pjesëmarrje në vrasjen e gazetarit saudit, transmeton Telegrafi.
Ambasada saudite nuk i është përgjigjur menjëherë kërkesave të gazetarëve për t’i komentuar pretendimet dhe ngritjen e padisë. Princi i kurorës Mohamed bin Salman, kishte mohuar kategorikisht se ka urdhëruar vrasjen e Khashoggit.
Ai ishte kritik i ashpër i princit të kurorës dhe vazhdimisht botonte artikuj të ndryshëm dhe kolumne në Washington Post. Ai është vrarë në vitin 2018, kurse trupi i tij është copëtuar brenda konsullatës saudite në Stamboll.
Ai kishte shkuar në konsullatë për të marrë disa dokumente që i nevojiteshin që të martohet me të fejuarën Hatixhe Xhengiz, që është shtetase turke. /Telegrafi/