Të dielën do të luhet një nga javët më interesante të Ligës së Parë të Maqedonisë së Veriut, me dy super ndeshje, dy duele që mundë të ndryshojnë edhe kreun e tabelës, njofton Telegrafi.
Java e 13-t, do të ketë në qendër të vëmendjes kryeqytetin e vendit tonë, Shkupin, ku në arenën “Todor Proeski”, Shkëndija do të provojë që të ndalë hovin e Rabotniçkit, ekip ky që nuk ka shijuar ende disfatën, por një herit edhe për të rikthyer pozitën e parë në tabelë. Shkëndija në këtë duel vjen pas fitores ndaj Besës, ndërsa Rabotniçki arriti që të nxjerr barazim në Kratovë ndaj Sileksit, fakt që tregon se dy ekipet janë në formë të mirë. Statistikat janë në anën e Shkëndijës, e cila nga 18 duelet e zhvilluara me Rabotniçkin, vetëm tri herë është mundur, pesë duele kanë përfunduar pa fitues, ndërsa plot 15 herë Shkëndija ka dalë fituese.
Duel tjetër mjaft interesant pritet të luhet edhe në stadiumin e Çairit, ku do të takohen dy ekipet shqiptare me pronar turq. Dy ekipet janë në formë të ndryshueshme, me Gostivarin që në mesjavë u nda me barazim pa gola me Pelisterin, ndërsa Shkupi u mund në Ohër nga Voska Sport me rezultat të thellë 3-1.
Edhe një duel tjetër shqiptar kemi këtë të dielë, në stadiumin e qytetit në Gostivar, Besa është nikoqire e kampionait aktual Strugës. Këta të fundit si duket ngadalë po arrijnë që të kapin formë dhe të mbajnë hapin me kreun e tabelës. Sigurisht se Besa është treguar skuadër e fortë në duele derbi, por edhe duke ditur faktin se është në zonën ku nuk ka rehati, do të provojë të merr pikët e plota në këtë përballje.
Ndërkohë Voska Sport në Ohër do të pret Tikveshin e Kavadarit, përballje kjo e drejtpërdrejt e dy ekipeve që janë fare në fund të renditjes. Në ndeshjet tjera takohen Brera – Sileksi dhe Pelisteri – Vardari. Kjo e fundit zhvillohet në mbrëmje të dielën, duke nisur nga ora 19:00, teksa të gjitha përballjet tjera janë në program nga ora 13:00. /Telegrafi/
Java e 13-t (03.11.2024) 13:00: Rabotniçki – Shkëndija, Shkupi – Gostivari, Besa – Struga, Voska Sport – Tikveshi, AP Brera – Sileksi, Pelisteri – Vardari luhet në ora 19:00.