Fox News ka propozuar 17 shtatorin, si datë për debatin e parë presidencial midis Donald Trumpit dhe Kamala Harrisit.
Jay Wallace, presidenti dhe redaktori ekzekutiv i Fox News Media, u dërgoi letra ekipeve të fushatës së kandidatit republikan dhe demokrat për debat, i cili do të zhvillohej në Pensilvani.
“Ne jemi të hapur për diskutim mbi datën, formatin dhe vendndodhjen e saktë – me ose pa audiencë”, tha Wallace.
Ndërkohë, ABC News ka planifikuar të organizojë një debat më 10 shtator, shkruan skynews.
Kujtojmë se republikani Trump tashmë ka mbajtur një debat televiziv me kandidatin demokrat, Joe Biden, i cili gjatë fundjavës i dha fund garës për president pas paraqitjes katastrofale në debat.
Ndryshe, zgjedhjet për presidentin e ri amerikan pritet të mbahen më 5 nëntor (e martë). /Telegrafi/