Arsenali ka eliminuar Porton nga Liga e Kampionëve pas ekzekutimit të penalltive (4-2) duke siguruar kalimin në çerekfinale.
Ndeshja nisi furishëm me të dyja ekipet që patën disa raste të mira shënimi për të kaluar në avantazh.
Arsenali pati një mundësi të mirë me Bukayo Saka (13’) ndërsa Porto pati dy të tilla me Evanilson (16’ dhe 22’) por pa arritur që të gjejnë rrugën e rrjetës.
Leandro Trossard (41’) shfrytëzoi asistimin e mrekullueshëm të Martin Odegaard për të çuar Arsenalin në epërsi prej 1-0.
Ahead at the half, level in the tie.
Let's keep fighting until the end, Gunners 👊 pic.twitter.com/2YKaeBBTa8
— Arsenal (@Arsenal) March 12, 2024
Edhe pjesa e dytë u përcoll me një ritëm të njëjtë ku intensiteti i lartë i lojës nuk mungonte, e po ashtu as rastet nga të dyja anët.
Franicosco Conceicao (70’) rrezikoi seriozisht për mysafirët por gjuajtjen e tij e priti me shumë mund David Raya.
Tek ‘Topçinjtë’ në anën tjetër Gabriel Jesus (83’) dhe Bukayo Saka (85’) shpërdoruan dy raste të mira shënimi për ta çuar në avantazh Arsenalin.
90 minutat nuk prodhuan ekipin që do të siguronte kualifikimin dhe u deshën vazhdimet, aty ku për 30 minuta nuk pati ndryshim rezultati dhe u nevojitën penalltitë për të mësuar ekipin që siguron biletën për në çerekfinale.
Our tie will now be decided by a penalty shootout.
COME ON YOU GUNNERS! pic.twitter.com/h1On6y0gt4
— Arsenal (@Arsenal) March 12, 2024
Në penallti më të saktë u treguan Arsenali që fituan me rezultat 4-2 duke siguruar kështu kualifikimin në çerekfinale./Telegrafi/
CHAMPIONS LEAGUE QUARTER-FINALISTS ❤️ pic.twitter.com/pdsCEdehOl
— Arsenal (@Arsenal) March 12, 2024