Borussia Dortmundi ka marrë pikë të plota në triumfin minimal (1-0) si mysafir i Mainzit në MEWA Arena.
Një gjysmë e parë që nuk prodhoi shumë raste konkrete shënimi, përfundoi me rrjetat e paprekura.
Edhe në fraksionin e dytë, skuadrat e kishin të vështirë të arrinin deri te mundësitë për të shënuar.
WITSELLLLLLLL!!! pic.twitter.com/OQpn0mHqmG
— Borussia Dortmund (@BlackYellow) March 16, 2022
Megjithatë, BVB arriti në minutat e fundit të takimit që të realizonte përmes Axel Witsel (87’), i cili shfrytëzoi një top nga gjuajtja e lirë të dërguar nga Giovanni Reyna.
Dhe kur gjyqtari dha shenjë për përfundimin e sfidës, rezultati ishte me epërsi minimale të mysafirëve, por që mjaftoi të arkëtonin pikë të plota.
Në këtë mënyrë, Borussia Dortmundi i është afruar Bayern Munichut me katër pikë në krye të tabelës. Mainzi ruan pozitën e dhjetë në tabelë me 34 pikë të arkëtuara pas 25 ndeshjeve të zhvilluara në Bundesliga. /Telegrafi/
