Donald Trump sapo është shfaqur për herë të parë sot, në ditën e inagurimit të tij.
Në përputhje me traditën amerikane, presidenti i zgjedhur po merr pjesë në një shërbesë private në kishën e Shën Gjonit në Uashington, përpara se të betohet më vonë.
Sipas fotove, Trumpit i është bashkuar edhe gruaja e tij dhe së shpejti Zonja e Parë e SHBA-ve, Melania Trump, shkruan skynews, përcjell Telegrafi.
Midis atyre që morën pjesë në shërbesë janë edhe zëvendëspresidenti i ardhshëm JD Vance me gruan e tij Usha Vance dhe anëtarët e familjes së ngushtë të Trump.
Ndryshe, janë publikuar edhe disa pamje të tjera brenda kishës.
Raportohet se përkrah presidenti të ri të SHBA-ve janë edhe miliarderët e teknologjisë, Mark Zuckerberg dhe Jeff Bezos, si dhe ish-kryeministri i Mbretërisë së Bashkuar, Boris Johnson. /Telegrafi/
