Me moton “Thuani emrat e përdhunuesve dhe ngacmuesve seksual”, me dhjetëra qytetarë sot kanë protestuar kundër rasteve të ngacmimeve seksuale dhe dhunës që janë duke u raportuar kohëve të fundit në vend.
Kjo protestë e cila u organizua nga aktivistët e OJQ-së “Unë jam zani yt”, u mbajt sot rreth orës 12:00 në sheshin “Isa Boletini”, në Mitrovicë.
Telegrafi ju sjell disa fotografi të kësaj proteste, ku po ashtu shihen dhe disa parulla nëpër duart e protestuesve, si: “Ti hesht sot, ai dhunon prapë nesër”, “Drejtor, ajo nuk e ka lyp”, “Përdhunuesi është përdhunues”, etj.
Ndryshe, të mërkurën në fshatin Mazhiq të Mitrovicës, dy persona kishin dhunuar një vajzë të mitur. /Telegrafi/
