Deputeti i Lëvizjes Vetëvendosje, Gramos Agusholli gjatë takimit me krye-ekonomistin e Agjencisë Amerikane të Hapësirës (NASA), Alexander MacDonald kanë diskutuar për mundësinë e vizitës së tij në Kosovë.
Agusholli gjatë vizitës së tij në Forumin Ekonomik që po mbahet në Poloni ka njoftuar se MacDonald, ka shprehur gatishmëri që disa shkencëtarëve të rijnë nga Kosova t’ua organizoj pritjen në NASA.
“Njëri nga takimet më interesante që e realizova në kuadër të edicionit të 31-të të Forumit Ekonomik, ishte me Aleksander MacDonald, krye-ekonomist i NASA-s. Pas bisedës më shumë se dyorëshe, i kërkova që ta vizitojë Kosovën, pse jo të mbajë ligjëratë para studentëve tonë, gjë të cilën u zotua se do ta bëjë shumë shpejt. Madje, ai shprehi gatishmërinë që disa ‘shkencëtarëve të rijnë’ nga Kosova t’ua organizoj pritjen në NASA, duke i ndihmuar edhe në realizimin e ndonjë projekti të vogël të përbashkët”, njofton Agusholli. /Telegrafi/
