Presidenti i Napolit, Aurelio De Laurentiis ka konfirmuar transferimin e Marek Hamsik në Kinë tek skuadra Dalian Yifang.
Konfirmimi i De Laurentiis vjen vetëm disa orë pasi avokati i Napolit Mattia Grassani tha për Radio Kiss Kiss se Hamsik ishte ‘bërë’ një lojtar i Dalian të mërkurën në mbrëmje .
“Hamsik është larguar”, u tha De Laurentiis gazetarëve në Cyrih para ndeshjes së 1/16-tës në Ligën e Evropës.
“A është lamtumirë apo shihemi më vonë? Varet nga ai”.
“Unë shpresoj se mund ta marrim kur sezoni në Kinë të ndalet. Tani për tani është jozyrtare”.
“Një marrëveshje me Dalian është arritur. Uroj lumturi për Marekun në Kinë”.
“Dyert e Napolit do të jenë gjithmonë të hapura për të”, përfundoi presidenti i Napolit.
Klubi kinez do të paguajë 20 milionë euro për mesfushorin, i cili mendohet të ketë rënë dakord për një kontratë me vlerë 27 milionë euro gjatë tre sezoneve. /Telegrafi/