Dalin pamjet nga sulmi që i bënë tifozët e Manchester Cityt, portierit të Aston Villas

Janë publikuar pamjet e momentit kur Robin Olsen është sulmuar nga tifozët e Manchester Cityt, me të përfunduar ndeshja në Etihad Stadium.

Aston Villa nuk ia doli ta mbante epërsinë prej dy golash ndaj Citizens, duke u mposhtur në fund 3-2 nga vendasit.

Derisa festa e tyre në fushë eskaloi, disa prej tifozëve të Citizens e sulmuan portierin e mysafirëve, Robin Olsen.

Lexo po ashtu Veprim i shëmtuar nga tifozët e Man Cityt ndaj portierit të Aston Villas, pas momentit që 'pushtuan' fushën

Gardiani u ankua se një nga tifozët e goditi në kokë, pas së cilës trajneri Steven Gerrard i kërkoi Manchester Cityt të hetonte incidentin dhe shpejt erdhi një falje nga kampioni.

“Manchester City dëshiron t’i kërkojë falje Olsenit, i cili u sulmua gjatë festës. Klubi ka nisur menjëherë hetimet dhe do ta gjejë personin dhe më pas do ta ndalojë hyrjen në stadium”, thuhet në komunikatën e Cityt.

Natyrisht se tifozi do të hetohet për sjelljen e tij dhe priten të merren masa të ashpra për të pas kamerat me gjasë kanë arritur ta kapin fytyrën e tij. /Telegrafi/