E treta, e vërteta . Pasi iu afrua golit në dy raste, goditja me kokë e Dani Carvajal e solli Real Madridin më afër fitores, kur skuadra Los Blancos po luante më mirë.
Goditja dhe lëvizja ishin shumë të ngjashme me atë që minuta më parë e bëri, por topi shkoi mbi traversë. Jo këtë herë, më i vogli ishte më i zgjuari, duke u shfaqur në momentin e duhur, shkruan Marca.
Real Madridi ka gjetur shpesh shpëtim në paraqitjet e mbrojtësve të djathtë këtë sezon. Si Carvajal ashtu edhe Lucas Vázquez kanë dhënë fitore, pikë dhe kanë nxjerrë mbretërit nga shumë vështirësi gjatë vitit aktual.
Ndryshimi i mentalitetit
Carlo Ancelotti, në mesin e sezonit të kaluar, i sugjeroi të bënte një hap përpara, të kërkonte të arrinte në zonën rivale, pa harruar të tijën, por duke parë përpara.
Anësori e pranoi fjalën e trajnerit dhe jo vetëm që këmbënguli të arrinte më shumë në sulm për të kërkuar shokët e tij, por ai gjithashtu vendosi të kërkonte edhe goditjet nga këndi, faullet ose çfarëdo që ishte e nevojshme.
Numrat thonë gjithçka. Gjashtë gola dhe gjashtë asistime që Carvajal ka realizuar me fanellën e Real Madridit në sezonin që përfundoi në nivel klubi të shtunën, më 1 qershor.
Carvajal ka vazhduar të ketë besim në gjithçka që bën. Ai është matur me lojtarët e krahut të djathtë më të mirë në futbollin evropian dhe fitorja ka qenë gjithmonë e lojtarit që doli nga të rinjtë e Real Madridit, duke demonstruar hierarki dhe siguri. /Telegrafi/