Ministri i Punëve të Jashtme i Shqipërisë, Ditmir Bushati, sot ka qëndruar për vizitë zyrtare në Shkup, ku ka realizuar takime me krerët shtetëror në vend.
Në një konferencë të përbashkët me zv.kryeministrin e Maqedonisë, Bujar Osmani, Bushati ju bëri thirrje qytetarëve të Maqedonisë që të mbështesin procesin e anëtarësimit të vendit në NATO dhe BE, njofton Telegrafi Maqedoni.
“Dua të përgëzoj Qeverinë e Maqedonisë për arritjen e marrëveshjes së Prespës. Faktori politik shqiptar ka dhënë kontribut të posaçëm. Dua të bëj thirrje gjithë qytetarëve, për të mbështetur këtë proces historik të rëndësishëm, jo vetëm ndërmjet Shkupit dhe Athinës, por edhe stabilitetit të rajonit tonë. Diskutuam për bashkëpunim në procesin e skriningut për të dy vendet tona, në kushtet kur ka një kalendar dhe horizont të qartë”, tha mes tjerash Bushati.
Ai shtoi se ka angazhime nga dy kryeministrat Edi Rama dhe Zoran Zaev për kalimet kufitare, gjë që siaps tij, do të ndikonte për lëvizjen e qytetarëve.
“Do të punojmë fort që mbledhja e dytë e qeverive, që do të zhvillohet në Maqedoni të ketë marrëveshje që do të ndikojnë drejtpërdrejtë në jetën e qytetarëve”, tha Bushati./Telegrafi/
