Një burrë nga Maryland fitoi një çmim prej 92,178 eurove (100,000 dollarë) nga një biletë lotarie me gërvishtje pak më shumë se tre vjet pasi fitoi 46,089 euro (50,000 dollarë) nga një lojë tjetër.
Burri nga Hyattsville të Maryland u tha zyrtarëve të Maryland Lottery se ai bleu biletën e tij të gërvishtjes prej 10 dollarëve Show Me $100,000 nga dyqani 7-Eleven #11569 në Beltsville.
“E gërvishta menjëherë dhe e skanova në telefonin tim. Ishte disi e vështirë për t’u besuar. Më duhej ta skanoja tre herë”, bëri të ditur lojtari, raporton UPI, përcjell Telegrafi.
Lojtari tha se fitorja e tij u bë edhe më befasuese nga fakti se ai kishte vizituar më parë selinë e lotarisë në shtator 2019 për të marrë një çmim prej 50,000 dollarësh nga një biletë gërvishtëse të Deluxe Crossword.
Burri tha se fitimet e tij të mëparshme shkuan drejt projekteve të rinovimit të shtëpisë. Ai tha se nuk është i sigurt se çfarë do të bëjë me fitimet e tij të fundit, përveçse ta qerasë gruan e tij për “darkë në një restorant të famshëm”. /Telegrafi/