Bill dhe Hillary Clinton kanë mbështetur Kamala Harris për të udhëhequr demokratët në zgjedhjet amerikane.
Në një postim në X, dyshja falënderuan Joe Biden për karrierën e tij “të jashtëzakonshme” të shërbimit përpara se të thoshin se ata ishin “të nderuar” të mbështesnin zonjën Harris, përcjell Telegrafi.
Ata thanë se kjo ishte mënyra më e mirë për të ndaluar Donald Trump që të rihynte në Shtëpinë e Bardhë për një mandat të dytë si president.
Statement from President Clinton and Secretary Clinton pic.twitter.com/R7tYMFWbsu
— Bill Clinton (@BillClinton) July 21, 2024
“Ne kemi jetuar nëpër shumë rënie-ngritje, por asgjë nuk na ka bërë më të shqetësuar për vendin tonë sesa kërcënimi i paraqitur nga një mandat i dytë i Trump-it”, thuhet në deklaratën e tyre.
Ndryshe, Qendra për Gratë dhe Politikat Amerikane, një institucion kërkimor në Universitetin Rutgers, ka theksuar natyrën historike të një nominimi të mundshëm të Harris për president.
“…Kërkimi dhe programimi ynë kanë qenë prej kohësh të orientuara drejt ndryshimit të perceptimit të pushtetit. Ky moment transformues do të ndryshojë përgjithmonë mënyrën se si amerikanët e shohin lidershipin në politikë”.
Hillary Clinton ishte gruaja e parë që u nominua për presidente nga një parti e madhe politike kur demokratët e zgjodhën atë në vitin 2016 – pavarësisht se fitoi votën popullore, ajo humbi zgjedhjet ndaj Donald Trump. /Telegrafi/