Presidenti amerikan, Joe Biden ka “djegur goma” duke vozitur një veturë gjersa ka lënë mënjanë fushatën e zgjedhjeve afatmesme.
Presidenti 79-vjeçar mori Corvette Stingrayin e tij të vitit 1967 për një episod të “Jay Leno’s Garage” të CNBC.
Kabrioleti i gjelbër i Biden, me një motor V-8 me 350 kuaj/fuqi dhe një transmision manual me katër shpejtësi, nuk mund të krahasohej me automatikun më të fuqishëm Stingray 2015 të Michael Powell.
Biden, i veshur me polo blu Ralph Lauren dhe syze dielli, shkoi në objektin e trajnimit të Shërbimit Sekret James J. Rowley në Beltsville, Md dhe arriti shpejtësinë prej 190 km/h me veturën klasike.
Powell, djali i Sekretarit të Shtetit të ndjerë, Colin Powell, u hakmor për fitoren e Biden ndaj plakut Powell në një garë të ngjashme zvarritjeje që u transmetua në program në vitin 2016.
Programi ishte një mundësi e rrallë që Biden të harronte sondazhet që tregonin se demokratët ishin në rrugën e humbjes së Dhomës së Përfaqësuesve dhe Senatit në zgjedhjet afatmesme të 8 nëntorit. /Telegrafi/
