Kjo nuk është hera e parë që manekinia shfaqet në ekranin e vogël si pjesë e një kasti
Bella Hadid u rikthye në pasarela në shtator të këtij viti pas një pauze dyvjeçare. Për atë moment, ajo zgjodhi sfilatën e markës Saint Laurent në Javën e Modës në Paris, pas së cilës e shihnim gjithnjë e më shpesh në ngjarje publike.
Përveç kësaj, Bella lansoi këtë vit markën e saj të bukurisë Ôrebella, përkatësisht parfumet pa alkool të bazuara në vajra esencialë.
Dhe për të përfunduar të gjitha, për habinë e shumë njerëzve, ajo tani është shfaqur në sezonin e fundit të serialit hit Yellowstone, ku luan të dashurën e Travis Wheatley, Sadie.
Hadid, me estetikën e saj aktuale perëndimore, përshtatet në mënyrë të përkryer në atmosferën e serialit, e veshur me kostume të dizajnuara nga Johnetta Boone që duken sikur të ishin nxjerrë direkt nga dollapi i saj, transmeton Telegrafi.
Xhinse, këmisha me kuadrate, rripa të gjerë, çizme kauboji, kapele dalluese… Bella është bërë kaubojza perfekte dhe duke qenë se mund të tërheqë çdo stil pa problem, e njëjta gjë ndodh edhe me këtë.
Kjo nuk është hera e parë që modelja shfaqet në ekranin e vogël si pjesë e kastit. Kjo ndodhi tashmë në vitin 2022, kur ajo u shfaq në sezonin e tretë të serialit Ramy, ku ajo luajti dashnoren e mikut më të mirë të Ramy, Steve. Ku do ta shohim më pas? /Telegrafi/