Site icon Telegrafi

Bayerni përshëndet tre legjendat e klubit dhe trajnerin Flick që largohen si të lirë nga Allianz Arena

Romak Zeqiri

Bayern Munich është përballur me Augsburgun në kuadër të xhiros së fundit në Bundesliga.

Kampionët e ri të Gjermanisë shënuan fitore me rezultat të thellë 5-2, për ta festuar më pas titullin e 31-të të kampionit në Gjermani.

Por para fillimit të ndeshjes drejtuesit e klubit bavarez kanë përshëndetur tre legjendat e klubit që do të largohen si futbollist të lirë tani nga Allianz Arena.

Mesfushori Javi Martinez si dhe dy mbrojtësit David Alaba dhe Jerome Boateng largohen si të lirë.

Nga Bayerni pas kësaj ndeshje do të largohet edhe trajneri Hansi-Flick që edhe për të drejtuesit e klubit kishin përgatitur një lamtumirë madhështore.

Si për lojtarët ashtu edhe për trajnerin, drejtuesit e klubit para fillimit të ndeshjes i dorëzuan nga një fotografi gjigante me trofetë e fituar gjatë kohës sa ishin në Munich.

Jerome Boateng u largua nga loja në minutën e 61-të, për tu përshëndetur nga bashkëlojtarët e tij, derisa la fushën me lot në sy.

Njësoj ndodhi edhe me David Alaban që në minutën e 73-të u largua dhe mori përshëndetje të mëdha nga të gjithë të pranishmit në Allianz Arena.

Edhe në fund gjatë ceremonisë së titullit, ishte kapiteni Manuel Neuer që nderoi tre legjendat e klubit që do të largohen.

Neuer nuk e ngriti vet trofeun e titullit të kampionit, por i ftoi lojtarët Boateng, Alaba e Martinez që ata të tre ta ngritin.

Ishte një përshëndetje fantastike nga Bayerni për tre futbollistët që kanë dhënë kontribut jashtëzakonisht të madh për klubin si dhe për trajnerin Hansi Flick. /Telegrafi/

 

Exit mobile version