Baton Tateshi është mysafiri i dytë në emisionin “Liderët e rinj” nga Telegrafi Maqedoni. Ai në këtë episod rrëfeu shumë për veten. Tregoi pasionet, dëshirat për të ardhmen dhe motivet e tij në jetë.
Batoni na bëri të kuptojmë se basketbolli ishte sporti i tij i preferuar dhe njëkohësisht pasioni i tij më i madh. Shumicën e kohës ai ia kushtonte basketbollit. Një ëndërr e Batonit ishte që në të ardhmen të bëhej një oftamolog. Një ndër personat që ishte model për të dhe e motivonte më shumë ishte babai i tij.
Pasi bullizmi ekzistonte edhe në shkollën ku Batoni mëson, ai tha se nëse do të kishte mundësi të ndryshonte diçka në vend do të ishte bullizmi dhe ndarja e njerëzve në klasa.
Mes tjerash Batoni na bëri të kuptojmë se ushqimet e nënës së tij ishin të preferuarat e tij, ai ceki lazanjet si një ndër ato. Ai ndjehej mirënjohës për familjen dhe shëndetin që posedon.
Ndërkaq, vetia më e mirë që ai kërkon në shoqërinë që e rrethon ishte besnikëria dhe kjo sipas tij ishte gjëja më e mirë që kishin ai dhe shoqëria e tij.
